Bedieners in Johannesburg · rugsteun elke dag

Rooi skemerlug ná 'n reënbui oor Orania, met 'n standbeeld en 'n nat grondpad in silhoeët

Oor ons

Sake doen in Afrikaans

Huisves is ‘n klein besigheid in Orania. Ons gee Afrikaanse besighede ‘n plek aanlyn, in hul eie taal.

Van Orania af

Ons woon en werk in Orania in die Noord-Kaap. Hier sien ons elke dag hoeveel ‘n klein besigheid se eie taal werd is: die bakker, die winkel en die praktyk doen almal sake in Afrikaans.

Maar sodra so ‘n besigheid aanlyn wil gaan, is alles skielik in Engels: die hosting, die fakture, die ondersteuning en die vakterme. Daarom het ons Huisves begin.

Jou eie taal, van begin tot einde

Ons glo ‘n Afrikaanse besigheid moet nie in ‘n ander taal hoef te dink om aanlyn te kom nie. Die webwerf, kliënte-area, fakture en ondersteuning is in Afrikaans, in gewone woorde.

  • Alles in Afrikaans, met u
  • Vaste pryse sonder verrassings
  • U domein en inhoud bly u s’n
  • Ons antwoord binne een werksdag
  • U werf op bedieners in Johannesburg

Kom praat met ons

Vertel ons van u besigheid; ons antwoord binne een werksdag, in Afrikaans.